Infirmier·ère gradué·e

Aktualiséiert den

Allgemeng Definitioun 

D’Infirmière graduée/Den Infirmier gradué ass eng/een Infirmier/ière, déi fir d’Organisatioun an d’Qualitéit vun de soins verantwortlech ass. Si/hien verfüügt iwwer verdéift Kompetenzen, besonnesch an der Organisatioun vu Spideeler an der Féierung vun Ekippen an am Beräich vun der ëffentlecher Gesondheet.

Si/Hien iwwerhëlt virun allem Aufgaben an der Koordinatioun, am Encadrement oder an der Gestioun bannent de Gesondheets- a Fleegestrukturen.

Si/Hien schafft souwuel am Spidol wéi och ausserhalb vum Spidol a dréit esou zum Wuelbefannen an zur Sécherheet vun de Patient/innen a verschiddenen Beräicher bäi.

Aufgaben a Verantwortungen

An enger Encadrementsfunktioun organiséiert d‘Infirmière graduée/den Infirmier gradué den Alldag vu sengen Ekippen, koordinéiert d’Aarbecht, verdeelt d’Aufgaben no de Kompetenze vun de Mataarbechter/innen a suergt dofir, datt d’Prioritéite bei de soins kloer festgeluecht sinn.

Si/Hien begleet nei Mataarbechter/innen an ënnerstëtzt Student/innen an hirer Ausbildung, andeems si/hien d’Entwécklung vun de Kompetenzen am Sënn vun engem permanente Léierprozess fërdert.

An enger Gestiounsfunktioun ass si/hien, a hirem/sengem Beräich, zoustänneg fir d’Strategie, d’Organisatiounsprozesser an den operativen Oflaf, am Aklang mat de strategeschen Ziler vun der Institutioun.

Als Fachpersoun ass si/hien no bei de Patient/innen, evaluéiert Situatiounen, ënnerstëtzt d’Ekippen a garantéiert eng qualitativ héichwäerteg Fleeg.

Aktivitéitsberäicher

  • Spideeler
  • Strukture fir Hëllef a Fleeg doheem
  • Strukture fir eeler Leit (z. B. Alters- a Fleegeheemer)
  • Sozial a medezinesch-sozial Institutiounen

Ausbildung

Dëst kéint iech intresséieren