Masseur·se - Kiné
Aktualiséiert den
Allgemeng Definitioun
D’Masseuse - Kiné/De Masseur - Kiné ass de Spezialist fir Beweegung a Funktioun a schafft mat Leit vun all Alter – Kanner, Erwuessener, Senioren, Sportler, Leit mat Behënnerungen oder Krankheeten – fir hir Mobilitéit ze verbesseren, Péng ze erliichterten an hir Autonomie an d’Participatioun am Alldag ze fërderen.
Si/Hien féiert manuell, technesch oder instrumentell Handlungen duerch (Massagen, Mobilisatiounen, Elektro-Physiotherapie…) fir d’funktiounsfäeg Kapazitéite vun der Persoun ze z’erhalen, virzebeugen, ze restauréieren oder, wann néideg, ze kompenséieren.
Aufgaben a Verantwortung
D’Masseuse - Kiné/De Masseur evaluéiert d'Situatioun vum Patient duerch eng komplett kinesitherapeutesch Bewäertung, déi d’Anamnese, d’Analyse vun der Haltung an d’Bewäertung vun de funktionelle Limitatten ëmfaasst. Dës Bewäertung erlaabt hir/him de mechaneschen, neurologeschen Ursprong vun de Symptomer ze identifizéieren oder Problemer mam Muskel- a Skeletsystem ze fannen, an eng kinesitherapeutesch Diagnos ze definéieren, déi als Basis fir en individualiséierte Behandlungsplang déngt.
Si/Hien setzt Moossname fir Preventioun, Reeducatioun a Readaptatioun ëm, andeems si/hien Technike wéi Gelenkmobilisatioun, Massagen, therapeutesch Übungen oder Elektrotherapie benotzt, fir déi beanträchtegt Funktiounen erëm hierzestellen, ze erhalen oder ze kompenséieren an d’Autonomie vum Patient ze verbesseren.
Si/Hien begleet och d’Persoun mat ugepasste Rotschléi, fir hir Participatioun un den Aktivitéite vum Alldag ze erliichteren.
Aktivitéitsberäicher
- Spideeler, besonnesch an der Maternité, am Neonatologie-Service, an der Pediatrie, an der Psychiatrie fir Erwuessener oder Kanner- a Jugendpsychiatrie, an der Geriatrie, Neurologie, asw.
- Rehabilitatiounszenteren, wéi zum Beispill de Rehazenter
- Wunnstruktur fir Leit mat Behënnerungen
- Wunnstruktur fir Senioren
- Als Independant schaffen
Ausbildung
- D’Formatioun gëtt zu Lëtzebuerg an am Ausland ugebueden.
- Informéiert Iech beim Ministère fir Fuerschung a Héichschoul, fir mat ären Studie lasszeleeën.
- Wichteg: Informéiert Iech virdrun iwwer d’Unerkennung vum auslänneschen Diplom beim Ministère fir Fuerschung a Héichschoul.
