Osteopath·in

Aktualiséiert den

Allgemeng Definitioun 

D’Osteopathin/den Osteopath evaluéiert a behandelt, mat manuellen Techniken, Dysfunktioune vum Kierper fir d’Gläichgewiicht tëscht der Struktur, der Funktioun an der Form vun de Kierpersystemer erëm hierzestellen, wéi zum Beispill beim Verdauungssystem.

Hier/Seng Interventioune kënne präventiv, kurativ, palliativ oder komplementar sinn.

D’Osteopathin/den Osteopath benotzt eng manuell therapeutesch Approche, déi op déifgräifend Kenntnisser aus de Gesondheetswëssenschafte baséiert, dorënner d’Anatomie, d’Physiologie, d’Embryologie an d’Studie vum kierperleche Gläichgewiicht. Dës Approche huet zum Zil, d’Potenzial vum Kierper fir Selbstheelung an déi allgemeng Gesondheet ze ënnerstëtzen, andeems si déi physesch, emotional an intellektuell Dimensioune vun der Persoun integréiert.

D’Osteopathie leet de Fokus éischter op d’Gesondheet wéi op d’Krankheet a betruecht de Kierper als e Ganzt. Déi benotzten Technike ginn op Basis vun der initialer klinescher Evaluatioun ausgewielt.

Aufgaben a Verantwortung

Ausgoend vun enger osteopathescher Diagnos mécht d’Osteopathin/den Osteopath eng ëmfaassend Evaluatioun, fir d’Ursaache vun neuro-muskuloskelettalen, viszeralen, vaskulären oder kranialen Dysfunktiounen z’identifizéieren.

All Behandlungsapproche gëtt un déi spezifesch Besoine vun der Persoun ugepasst.

Mat engem präzisen Oftaaschte vum Kierper an engem gutt entwéckelte Gefillssënn analyséiert si/hien d’Beweeglechkeet vun dem Gewebe, erkennt funktionell Verännerungen a bestëmmt hiren Afloss op d’Gesondheet. 

Duerno benotzt si/hien gezielt manuell Techniken, fir d’Gläichgewiicht tëscht Struktur, Funktioun a Form an de Kierpersystemer erëm hierzestellen an z’erhalen.

Aktivitéitsberäicher

  • Spideeler
  • Als Independant schaffen

Ausbildung